“Biyayang Bigas” Umarangkada: 1,000 Sako ng Bigas Ipinamahagi sa Maynila, Pinangunahan ni Marcos Jr.

Pinangunahan ni Pangulong Ferdinand Marcos Jr., kasama sina Mayor Isko Moreno, Vice Mayor Chie Atienza, at Teresita Sy-Coson, ang pamamahagi ng 1,000 sako ng libreng bigas sa ilalim ng programang “Biyayang Bigas para sa Maynila.” Kabilang sa mga benepisyaryo ang mga manggagawa mula sa sektor ng retail, janitorial, security, maintenance, at food service. Bahagi ang programang ito ng inisyatiba ng administrasyon ni Pangulong Marcos upang magbigay ng agarang tulong sa mga pamilyang apektado ng pagtaas ng presyo ng mga bilihin. Tinatayang mahigit 80,000 pamilyang Manileño ang makikinabang, kasabay ng pagsuporta sa mga lokal na magsasaka. Via BOMBO RADYO PHILIPPINES #bomboradyophilippines #1007StarFMDagupan #StarNation