CEBU CITY, NAGPADAYON SA MATAG GABII NGA CLEARING UG RESCUE OPERATION

GIPADAYON sa Cebu City Government ang matag- gabii nga sidewalk clearing, Pukaw ug street roving operation aron mapadayon ang kahapsay sa mga pampublikong lugar ug matabangan ang mga nanginahanglan og social welfare intervention. Sa operasyon gikan alas 10 sa gabii niadtong Agosto 11 hangtod alas 6 sa buntag niadtong Agosto 12, 85 ka indibidwal ang natabangan, lakip ang 18 ka senior citizens, 51 ka adults ug 16 ka menor de edad. Gitabangan ang kadaghanan nga makabalik sa ilang mga panimalay, samtang ang usa ka adult giturn-over sa Lorega alang sa tukmang intervention. Gipahigayon ang operasyon sa DSWS kauban ang Cebu City Security Unit, PNP, Police Office Precinct ug Cebu City Anti-Mendicancy Office.