FIRE VOLUNTEER NA RUMESPONDE SA SUNOG, HINARANG SA MAYNILA

#shorts Iniimbestigahan na ang insidente kung saan umano’y hinarang ang isang fire volunteer habang rumeresponde sa sunog sa Tondo, Maynila nitong gabi ng Abril 15. Ayon sa ulat, ang responder ay kabilang sa MDSW Disaster Response Unit, isang volunteer group na tumutulong sa mga emergency operation sa lungsod. Sa video na ibinahagi ni MDSW Director Jay Reyes Dela Fuente, makikita ang kaguluhan sa isang makitid na kalsada habang pilit na dumadaan ang mga responder. Ayon sa ulat, hindi agad nabigyan ng daan ang volunteer team sa kabila ng kanilang agarang pagtugon sa insidente. May alegasyon din na isang lalaki ang nagpakilalang pulis at umano’y nagtangkang bumunot ng baril habang nakikipagtalo sa mga responder. Binigyang-diin ni Dela Fuente ang kahalagahan ng pagbibigay-daan sa mga emergency vehicle at responders, lalo na sa oras ng sunog, upang maiwasan ang paglala ng sitwasyon. Hiniling din niya sa Manila Police District (MPD) na magsagawa ng mas masusing imbestigasyon upang matukoy at mapanagot ang mga sangkot sa insidente.