PCIC- Ilocos Sur, allukoyenda dagiti agtartaraken nga ipa-insure dagiti dingwenda

Allukoyen ti Philippine Crop Insurance Corporation – Ilocos Sur dagiti agtartaraken iti dingwen a mapan agpa-insure kadagiti tarakenda. Iti pannaki-uman ti Bombo Radyo Vigan ken ni Mercury Pascua a PCIC Provincial Extension Office Supervisor, masapul a dagiti dingwen a mapa-insure ket mayataday iti insurable age a kasapulan iti opisina ta adda iti sursurotenda a bulan wenno tawen. Segun ken ni Pascua, no iti dadakkel a taraken a kas iti Nuang ken Baka ket atleast 7 months old ken iti Kabalio ket makatawenen. No iti biang ti dingwen a kalding ken karnero ket 4 months old, iti baboy a fateners ket 45 days ken swine breeders a 6 months old.