PhilHealth, humirit ng ₱240-B para sa government subsidy

Humingi ang Philippine Health Insurance Corporation o PhilHealth ng ₱240 billion na pondo para sa government subsidy sa susunod na taon. Ayon kay Dr. Alfred de Dios, PhilHealth vice president for quality assurance group at tagapagsalita ng ahensiya, ngayong taon kasi ay nasa ₱74 billion lang ang inilaan na kontribusyon ng gobyerno para sa pondo ng PhilHealth. Pero paglilinaw ni de Dios, hindi naman nasasagad ang pondo ng PhilHealth dahil may nakalaan namang reserves ang ahensiya at may napagkukunan pa sila mula sa Philippine Amusement and Gaming Corporation o Pagcor, Philippine Charity Sweepstakes Office o PCSO, at sin tax. Ginarantiyahan din ni de dDios na hindi magkakaroon ng problema sa pag-sustain ng pondo para sa miyembro ng PhilHealth sa susunod na taon. Breaking news and stories from the Philippines and abroad: GMA Integrated News Portal: https://www.gmanetwork.com/radio/ Facebook: https://www.facebook.com/dzbb594 Twitter: https://twitter.com/dzbb TikTok: https://www.tiktok.com/@dzbb Instagram: https://www.instagram.com/dzbb594khz/ Threads: https://www.threads.net/@dzbb594khz #SuperRadyoDZBB595khz #DZBB #BreakingNews