‘Walang basehan para ma-impeach si PBBM’ — Deputy Speaker Puno

Iginiit ni Deputy Speaker Ronaldo Puno na wala silang nakikitang sapat na dahilan o grounds para ma-impeach si Pangulong Ferdinand Marcos Jr. Ito ay matapos ihayag ni Rep. Kiko Barzaga ang kaniyang planong magsampa ng impeachment complaint laban sa Pangulo. Ayon kay Puno, walang humahadlang kay Barzaga na gawin ito, ngunit binigyang-diin niyang wala silang nakikitang legal na batayan para sa naturang hakbang.